An Metro Pacific Tollways Corporation (MPTC) nagpreparar para sa Undas 2026 sa saindang programang “Byahe Arangkada” poon Oktubre 29 sagkod Nobyembre 3, huli sa inaasahang paglangkaw kan bilang nin mga motorista para sa All Saints’ Day asin All Souls’ Day.
Inaasahan an paglangkaw nin 5% sa kabilugan kan trapiko, na may posibleng 12% na pagdagsa sa Oktubre 30-31 sa mga expressway arog kan NLEX, SCTEX, CAVITEX, CALAX, asin CCLEX.
Para sa mas marhay na pagmanehar, magtatao an MPTC nin 24/7 na customer assistance, mga medical unit, asin libreng towing services para sa Class 1 vehicles poon Oktubre 30 sagkod Nobyembre 3.
Magkakaigwa man nin libreng basic mechanical services, electric vehicle charging stations, libreng Wi-Fi, asin libreng tubig kan Maynilad sa mga piniling rest and refuel stations.
Pansamantalang isususpinde an mga road works, lane closures, asin maintenance activities sa mga nasambit na petsa para masiguro an mas marhay na daloy kan trapiko.
Duwang ribong traffic personnel an idedeploy, asin pinapagirumdoman an mga motorista na seguraduhon na tama an pagka-install kan saindang mga RFID para malikayan an mga pagka-antala.
