Napagsirbihan kan Metro Rail Transit Line 3 (MRT-3) an haros 30,000 na mga mananakay sa enot na semana kan paglulunsar nin extended operating hours kaini.
Basado sa mga nagin datos kan Department of Transportation (DOTr), nagin dakulang benepisyo an sarong oras na extension kan mga operasyon kan tren sa line 3 asin nakapagsakay nin 2.14 milyong mga pasahero magpuon Marso 24 hasta 28.
Gikan sa numero na ini nairehistro na 29,350 na mga komyuters an nadagdag na iyong nagsasakay sa mga oras kun saen inextend an mga operating hours kan mga estasyon.
Apwera sa rush hour ay nahihiling man na rason kun tano nagpakol sa siring na numero an mga pasahero sa siring man na mga oras ay huli na man sa ikinasang transport strike kan Manibela kan nakalihis na Marso 24 hasta 26.
Mientrastanto, an extended hours man ay piglalaomang dakulang benepisyo para sa pigpupuonan na rehabilitasyon sa EDSA kawsa kan piglalaoman na matinding trapik sa agihan na ini.
Nakatalaan man na magdugang pa nin sarong tren an MRT-3 kada rush hours para sa mas marikas asin maginhawang biyahe kan mga pasahero.
