Naghimok an nagkapirang grupo hale sa manlain-lain na sektor sa House of Representatives na tawan nin atensyon asin prayoridad an pagpasa kan CADENA Act.
An nasabing panukala nagtutuyo na matawan an mga Pilipino nin kakayahan na masiguro an pagbantay sa paggastos kan gobyerno sa pondo gamit an sarong pampublikong digital platform.
Sa sarong surat na ipinadara sa mga lider kan Kongreso, hinagad kan koalisyon na binibilog nin mga civic, professional, asin tech organizations an tulos na pagpasa kan ‘counterpart measure’ sa Kamara.
Ini an counterpart kan Senate Bill No. 1506, na bisto man bilang CADENA Act, na ipinasa ni Sen. Bam Aquino.
An Senate Bill No. 1506 aprubado na kan Senado kan nakaaging taon.
Alagad, mayo pa nin aksyon an House of Representatives manungod sa pagpasa kan saindang bersyon kan ley.
