Aram baya nindo mga ka bombo pigtutubudan na may pigpupuntiryang ido an buwaya na may laba nin 14 na talampakang nadakop kan mga residente sa Barangay Rio Tuba sa Bataraza, Palawan kan nakalihis na semana. An sarong furparent, nasaksihan soboot kan sakmalon kan sarong buwaya an saiyang ataman na ido.
Pigpahiling sa video na kua kan parasisira asin vlogger na si Alfonso Roxas, kan dakupon kan mga residente an dakulang buwaya kan nakalihis na Miyerkules na bangge.
Haloy na soboot pighahanap kan mga residente an nasambitan ng buwaya huli ta nagpakol na sa 15 na ido an nasakmal kan buwaya. Siringman, mayong kasiertuhan kun an nadakop na buwaya kan nakalihis na semana, an may kagibuhan kan soboot na pag-atake sa gabos kan nasambitan ng mga ido.
Sigun sa residenteng si Stephanie Sunio, may napansin ini kan Miyerkules nin bangge na kahoy harani sa saiyang harong. Alagad nabigla ini kan naghiro asin nagbuka an ngimot.
Hasta sa magdesisyon an mga residente na kaipuhan nang dakupon an buwaya. An mga kaharongan sa Rio Tubo, nasa ibabaw o kaya man harani sa kataid kan tubig.
Salbado asin buhay man na nadakop kan mga residente an buwaya na pigbalyo sa pangangataman kan Palawan Wildlife Rescue Center an buwaya.
Alagad an mga otoridad dae pabor sa paagi kan pagdakop kan mga residente sa buwaya.
