Padagos an isinasagibong preparasyon kan City Agriculture Office sa banta kan mga raot nin panahon.
Sa intrevista kan Bombo Radyo Naga ki Ernest Asence III – Acting Agriculturist, Naga City Agriculture Office, nahuhuri an mga farmers mag tanom dahil sa dinanas na init kan nakaaging mga bulan kaya nagkaigwa nin inaapod na late planting. Sinaysay kaini na an bulan nin Hunyo hasta Hulyo an pagtatanom huli sa bulan kan Hunyo an puon kan wet season.
Dugang pa ni Asence an El nino o an panahon nin tag-init an nakakaapektar man sa pagdedesiyon kan mga paraoma.
Segun sa Agriculture Office, saro sa inot na programa ninda an pag-enkaminar sa mga paraoma na magkua nin Crop Insurance. An nasabing insurance an possibleng macover kaini an hasta 3 ektarya, 2 para sa mga drains arog kan paroy asin mais asin 1 ektarya para sa iba pang pananom.
Dakulang tabang an programang ini apwera sa libre an insurance, huli an mga paratanom na mayu kaini na nakaka ekspersyensa kan dakulang damages an mayung nakukua, sa paagi kan insurance nakakapagpuon liwat an mga paraoma.
Segun sa report kan Philippine Crop Insurrance Corporation hasta 50% nin mga paraoma sa lugar an nakapag-enroll na kan programang ini ngunyan na taon, igdi mahihiling an pagiging responsibo kan mga paraoma.
Apwera pa igdi, nakapreparar man an mga makinarya kan Agriculture Office kun igwa nin kalamidad. Naka-standby man an mga makinarya, limitado man arog kan harvester alagad nakikinabang pa d an mga dapat makagamit nin harverster tanganing mabawasan o maiwasan an dakol na apekto kan bagyo.
Dugang pa kaini na dakula an tabang kan weather o disaster forecast na itinatao kan Konseho, MCDRRMO asin MDRRM Council sa pamamyo ni Raynor Rodriguez asin sa pakikikoordinar sa eksperto arog ni Michael Padua aktibo lalo na kung may papaabot na bagyo asin padagos an pagtatao nin mga update sa lokal na gobyerno.
Nairerehistro man na pinsala sa sektor kan agrikultura an kdaklan nag-papakol sa average na ₱6-M hasta ₱11-M, depende sa lawig, Kun gurano kadakul asin tindi an apekto kaini.
Dugang pa ni Asence na igwang Financial Assistance sindang nareresibe, hale sa irarom kan National Government Agencies kadaklan hale sa DSWD. Igwa man nin allocation alagad an Local Government Unit bihira magtao nin financial assistance, kadaklan calamity fund upon approval Kan BIR council duman nagtatao sinda nin abuno, banhi asin seeds.
Tinawan-duon pa kaini na importante an Crop Insurance huli sa Agricultural Sector an kadakul Risk asin Uncertainty an kabuhayan kan mga paratanom asin parasira, kaipuhan maging preparado asin siertuhon na may insurance.
