Inihayag kan Department of Justice na an nagkapirang kaparientes kan mga nawawalang sabungero an pinagtutubudang inareglo soboot patungkol sa isyu.
Susog mismo ki Justice Secretary Jesus Crispin Remulla, nakaresiber sinda nin report na an nagkapira sa mga ini an nakipagkasundo o nakipag-areglo na sana.
Kadakol an pinagtutubudang inareglong mga kaparientes kan nawawarang mga sabungero basado sa saindang impormasyon. Kaya man saiyang tinawan duon na saindang ipinagpapadagos pa man an pag-iimbestiga dapit sa kaso.
Hurot ni Justice Secretary Remulla na ini an interes asin para sa kapakanan kan taumbayan huli ta dae soboot ini matugot na kwarta kwarta na sana an maurog sa isyu.
Sigun ki Secretary Jesus Crispin Remulla kan Department of Justice, pinakamagabat igde, iyo an dae pwedeng an taong kadakol na kwarta an masabi sa kun sisay an pwedeng mabuhay asin siisay an dapat na magadan.
Alagad sa ibong man kaini, nagsayuma muna na magheras an nasambitan ng sekretaryo dapit sa kun gurano soboot na-areglo an nagkapira sa mga kaparientes kan nawawarang mga sabungero. Aminado si Justice Secretary Remulla na mayo pa sindang bastante asin sigurado na patunay sa kun ano talaga an nangyari.
Mientrastanto pigtawan linaw man ni Justice Secretary Remulla na parte pa man an Philippine National Police sa pagsusuri kan mga narekober na lawas gikan sa Taal lake.
Saiyang nilinaw na matabang pa man ini sa ibong kan saindang pagkua o paghagad nin asiste sa mga eksperto kan University of the Philippines asin Japan sa pagsasagibo nin DNA testing.
