Sunod-sunod nang naghahagad nin dugang na supply nin bigas an nagkapira pang lokal na gobyerno gikan sa National Food Authority (NFA) huli sa kasabay kan mahewasang relief operation sa mga pig ibakwar na residente huli pa sa mahewasang pagbaha.
Primerong naghagad an provincial government nin Palawan nin 300 sako kan bagas asin sinundan kan Puerto Princesa City nin dugang 200 sako kan bagas.
Dae naghaloy, sumunod na pinadarahan kan NFA an Department of Social Welfare and Development (DSWD) sa Tarlac. Sinundan ini kan kabilogang 1,000 kan well-milled rice sa probinsya kan Pampanga.
Sa entrevista kan Bombo Radyo Philippines ki NFA Administrator Larry Lacson, tulos na ipinapadara an bulto kan bagas gikan sa mga bodega pasiring sa mga LGU asin mga ahensiyang mahagad man nin dugang na supply tangani maitabang sa mga kunstituwentes na apektado kan mahewasang pagbaha.
Nagtitinir ining bukas sa mga dugang na request gikan sa mga LGU na nangangaipuhan nin dagdag na supply.
Pigsierto pa kan NFA na an gabos nin iniluluwas na bagas an pumapasa sa mahigot na quality standards kan ahensya komo pagtupad sa mandato kaining mamantinir an bastante asin kalidad na buffer stock na pwedeng iheras tuyong may sakuna o emergency. Pwedeng maabot an ahensiya sa paagi pa kan saindang hotline number
