Pigreport ni Philippine Amusement Gaming Corporation (PAGCOR) chairperson Alejandro Tengco an dagusan asin boluntaryong pagsasarado nin pirang mga Philippine Offshore Gaming Operator sa nasyon kasunod kan nagin kasuguan ni PBBM na pagbawalan na an operasyon kan mga ini.
Basado sa report kan PAGCOR, igwa nang limang POGO an boluntaryong nagsarado puon pa kan nakalihis na Hulyo.
Nararani na man an pagsasarado sa 41 na legal na POGO na pig-aapod na ngunyan komo Internet Gaming Licensees (IGLs).
Apwera sa mga ini, sunud-sunod na an nareseber kan Pagcor na surat gikan sa mga POGO management na naghuhurot sa ahensiya na dagusan nang magluwas nin cancellation kan saindang permit tanganing dagusan na nindang iuntok an saindang operasyon.
Enot ng ipinagsugo ni PBBM an total ban sa mga POGO sa irarom kan saiyang ikatolong State of the Nation Address (SONA) kan nakalihis na July, asin tinawan an mga ini nin hasta December 31, 2024 na makapag-comply.
Sigun ki Tengco, nag-sugo na an ahensiya nin mga personnel kaini tanganing bantayan an mga POGO 24/7 imbes na magpapadara sana an mga ini nin mga ng mga inspector.
