NAGA CITY- Kapot na ngunyan kan mga otoridad an duwang drug personality makalihis madakop sa ikinundusir na anti illegal drug operation sa Brgy. Liboro, Ragay, Camarines Sur.
Binisto an mga suspek na sinda Joel Vargaz, 29-anyos asin Ruvelyn Dela Torre, 20-anyos.
Sa entrevista kan Bombo Radyo Naga ki Police Major Ruben Perico, Chief of Police kan PNP Ragay, sinaysay kaining enot na ipinasairaraom sa operasyon an suspek alagad kan marisang pulis an katransaksyon tulos na duminulag si Vargaz gamit an saiyang kotse mantang nadakop man kan mga otoridad si Dela Torre.
Makalihis an insedente suboot na nakipagkoordinar an PNP Ragay sa PNP Del Gallego rason tanganing matrap an suspek sa sarong checkpoint sa banwaan nin Del Gallego.
Segun sa opisyal haloy nang nasa watchlist ninda si Vargaz alagad ngunyan sana ini natiyempuhan.
Nakumpiskar sa mga suspek an duwang plastic sachet kan pinagtutubudang shabu, sarong 9mm pistol na may pitong live ammunitions asin iba mga pang drug paraphernalia.
