Dai na tutugutan kan National Police Commission (NAPOLCOM) na “maski siisay na sana an maging pulis.”
Iyan an idinoon ni Commissioner Ralph Calinisan sa press conference kasuhapon, Oktubre 26, na dinarawhan nin sarong criminology intern na nakuanan nin retrato mantang nagmamaneho nin motorsiklo na mayong suot na helmet.
Ipigtutulod kan komisyon an mas mahigot na screening para sa mga nagnanais maging pulis, uyon sa saindang trabaho na magtao nin pinakamaray na pulis para sa kaligtasan kan publiko.
Sa press conference, kinuestyon man ni Calinisan kun tano pa kaipuhan na halaton kan mga awtoridad na maging pulis an sarong abusadong indibidwal, mantang pwede man ining mapugulan sa pagkakasa nin background investigation.
Paalala ni Calinisan sa mga estudyanteng nagnanais maging pulis: ngunyan pa sana, o mantang nasa eskwelahan pa sana, puonan nang sumunod sa mga presenteng ley sa nasyon.
