Aram baya nindo mga ka-bombo, nakadulag an nasa 200 na unggoy sa Lopburi, Thailand asin nagkawsa nin kariribukan sa lugar. An sarong police station, garo pigkubkob pa ninda kun kaya napiritan na magkulong sa saindang mga opisina an mga pulis.
Basado sa report, pigsasabi na nagkamang soboot gikan sa lanob kan saindang kulungan an mga unggoy hasta sa nakaluwas sa tinampo asin nagkawsa nin kariribukan sa banwaan.
An sarong police station sa lugar, pinalibutan nin mga unggoy kaya napiritan an mga pulis na magsarado kan saindang mga pinto asin bintana tanganing dae makalaog an mga hayop.
Pigkahaditan kaya na baad maraot an mga gamit asin importanteng dokumento kan mga unggoy enkaso nakalaog an mga ini.
Sigun sa sarong report kan Agence France-Presse, haloy nang nakakaeksperyensiya nin pagdakula kan populasyon asin pagigin agresibo kan mga unggoy kaya nagpatindog an mga otoridad nin mga kulungan tanganing laagan kan mga hayop.
