Posibleng manutaran liwat an nagniningning na Northern Lights sa nagkapirang parte kan Estados Unidos sa Lunes nin banggi, Agosto 25 huli sa piglalaomang minor geomagnetic storm, sigun sa Space Weather Prediction Center kan NOAA.
Sigun sa forecast, pwedeng manutaran an “auroa borealis” sa mga estado kan Washington, Idaho, Montana, North Dakota, South Dakota, Minnesota, Iowa, Wisconsin, Michigan, New York, Vermont, New Hampshire, asin Maine.
Pwedeng magdurar an pagpapahiling kan aurora hasta Martes nin banggi sa mga pinakahilagang parte kan nasyon. Huli sa madiklom na kalangitan ngunyan na semana, mas malinaw na mahihiling an mga kulay rosas asin berde kan aurora.
Mas magayon soboot ining hilingon pag-abot nin alas-10 nin banggi hasta alas-4 nin mag-oomagahon.An northern lights an nagaganap kun nagbabanggaan an mga particle gikan sa solar flares asin mga atom sa atmosphere kan kinaban.
Mas madalas ining nangyayari ngunyan na harani na an solar maximum, sarong 11-taong cycle kan aldaw na piglalaomang madurar hasta 2026.
Mientrastanto, pig-abisuhan an publiko na magpasiring sa mga madidiklom na lugar na harayo sa siyudad. Pwede man na gamiton an smartphone asin camera tanganing makuanan nin ladawan an aurora.
