Pigtuyaw ni Pope Leo an “illusory security” kan pangkinabang nuclear deterrence system, sa sarong apelar sa ika-80 anibersaryo kan pagbagsak kan Amerika nin atomic bomb sa syudad nin Hiroshima kan Japan sa pagtatapos kan Ikaduwang Digmaang Pandaigdig.
Sa saiyang weekly audience, sinaysay ni Pope Leo — an primerong papa na ipinangaki sa US — na an pagkawasak sa Hiroshima, na tulos na ikinagadan kan poco mas o menos 78,000 katao, an dapat magsirbing sarong unibersal na patanid laban sa pagkawasak na dara kan mga sandatang nuklear.
Mantang an Simbahang Katoliko sa laog kan mga dekada an nagtao nin lihim na pag-ako sa sistema kan nuclear deterrence na nabilog sa Cold War, binago kan hinalinhan ni Leo na si Pope Francis an tukdo kan Simbahan tangani kondenahon an pagkakaigwa nin mga armas nuklear.
Umapelar si Pope Leo kasunod kan pag atendir kan mga kinatawan gikan sa 120 nasyon, kabali na an US, sa sarong taunang seremonya sa Hiroshima tangani markahan an atomic bombing.
Kabali sa mga nag atendir sa nasambitan ng seremonya iyo an delegasyon kan mga Katolikong obispo gikan sa Japan, South Korea, asin US, kaiba sinda Cardinals Blase Cupich kan Chicago asin man Robert McElroy kan Washington, D.C.
