Obiena mawot ipaubaya sa mga joven na parakawat an SEA Games

Mawot ni Filipino Olympian EJ Obiena na ipaubaya na sana sa mga bagong henerasyon an pagbali sa Southest Asian Games.

Si Obiena na three-time gold medalist sa SEA Games asin Asian record holder an target pa man na magpartisipar sa SEA Games na mapuon sa bulan kan Disyembre sa Bangkok, Thailand.

Alagad mawot kaining magtaong dalan sa nagkapirang mas joven na atleta siring ninda Okett Delos Santos asin Elijah Cole.

Enkaso mag-qualify soboot an duwa, dae maduwa-duwang isip si Obiena na ipaubaya na sana sa mga joven na parakawat.

Marurumdumang nanggana si Obiena sa World Pole Vault Event na ginanap sa siyudad kan Makati kan nakalihis na Domingo.