Maduong pigkondenar kan Office of Civil Defense (OCD) an paggamit kan Emergency Cell Broadcast System (ECBS) para sa pangangampaniya ngunyan na national and local election.
Ini an makalihis na makaresiber nin mga report an saindang opisina na kadakol nin residente gikan sa mga probinsiya an nakakaresiber nin mga mensahe na pig-eenkaminar sindang iboto an partikular na mga kandidato.
Sa sarong pahayag na pigluwas kan Office of Civil Defense, tinawan-duon kan ahensya na mahigot na ipinagbabawal asin delikado an paggamit kan Emergency Cell Broadcast System komo parte kan pangangampaniya kan mga nagkakandidato ngunyan na eleksyon.
Sigun sa ahensya, an Emergency Cell Broadcast System dae dapat ginagamit sa pangangampanya asin para sana ini sa pagheheras nin mga impormasyong live-saving alerts tuyong emergencies siring kan linog, bagyo asin pira pang mga sitwasyon na posibleng makaapektar sa seguridad kan publiko.
An paggamit kaini sa political purposes an posibleng makaapektar sa paheheras nin mga emergency alerts asin posibleng maging immitent threat sa buhay kan mga namamanwaan pinoy.
Mientrastanto, pinagirumdoman man kan ahensya an mga kandidato na an ECBS, ginagamait para sa mga urgent emergency notifications asin bakong para gamiton komo campaign platform nin huli ta posible man soboot ining pag-ugatan kan pagkalito orog na kun mag-abot an mga matitinding krisis sa nasyon.
Sa ngunyan, pigkumpirmar man kan pirang service providers na dae ninda ginagamit an ECBS orog na kun bako ining para sa mga emergency purposes mantang pig-enkaminar man kan Office of Civil Defense an mga ini na mantiniron na protektado an integridad kan saindang mga emergency alert systems asin siertohon na gagamiton ini sa tama.
