Naga City-Nagsunad na nin petisyon si Solicitor General Menardo Guevarra tangani na ipakanselar an birth certificate ni Bamban, Tarlac suspended Mayor Alice Guo.
An nasambitang petisyon pigsunad sa Tarlac City Regional Trial Court (RTC).
Basado sa impormasyon na pigheras ni Solicitor General Guevarra, an petisyon basado sa kabiguan ni Guo na maka-comply sa legal requirements para sa late registration.
Dai man soboot nakasumiter an suspendidong alkalde nin mga supporting documents para sa late registration.
Dugang pa ni Guevarra, an ama pa ni Guo an nagrehistro kan saiyang birth certificate maski na ini 19 anyos na kan ini mairehistro.
Pigpunto man kan Solicitor General an soboot dakul na pagkakaiba-iba sa mga impormasyon na nakapalaman sa birth certificate kan alkalde asin an mga impormasyon na nakalista sa iba pa kaining mga public records.
