Kapot na kan mga imbestigador kan Office of the Ombudsman an gabos nin mga dokumento na kaipuhan katakod sa kaso kontra ki Energy Regulatory Commission (ERC) Chief Monalisa Dimalanta.
Ini an paliwanag kan Ombudsman kun kaya pigbawi na an anom na bulan na suspension order kontra ki Dimalanta na pigreklamo kan sarong consumer interes group.
Marurumduman na kan nakalihis na Oktubre 1 pigbasura kan Ombudsman an motion for reconsideration ni Dimalanta huli ta igwang bastanteng basehan an suspension order.
Kaya man, nagluwas an Ombudsman nin kasuguan kan nakalihis na Oktubre 22 na nagbabawi sa suspension order.
Pigpaliwanag kan Ombudsman na naiserbe na an obheto kan preventive suspension huli ta nakasunad na ini nin counter-affidavit asin kapot na kan mga investigator an gabos nin mga dokumento sa kaso.
Pighurot kan Ombudsman an pagpapawarang-bisa sa suspension order ni Dimalanta kaiba sa pagbasura kaini sa saiyang motion for reconsideration.
Huli sa kapot na kan Ombudsman an gabos nin dokumento antes an six months suspension order, dapat na bawion na an kasuguan para sa interes na hustisya.
