Sarong tauhan kan Office of the Ombudsman an na-aatubang ngunyan sa disciplinary investigation makalihis an naging pagkukulang sa pagproseso nin counter-affidavit na ipigsunad ni Senator Robin Padilla katakod kan reklamong Obstruction of Justice.
Segun kay Ombudsman Jesus Crispin Remulla, napatunayang nagrehistro si Padilla kan saiyang counter-affidavit, taliwas sa nainot na saysay na dae suboot kaini sinunod an sugo kan Ombudsman.
Pig-isplikar pa kan Ombudsman na nagkaigwang pagkukulang sa dokumentasyon matapos suboot dae mai-log sa Central Records an isinumiter na dokumento asin imbis direktang naipadara ini sa Investigating Division.
Huli digdi, sinabi ni Remulla na nag surat na ini kay Padilla ta nganing ipaliwanag an nangyaring aberya.
Segun ki Padilla, seryosong pagbalgar an dae tamang pagproseso kan mga dokumento sa sarong tanggapan siring kan Ombudsman kaya isinairarom na sa disciplinary investigation an personnel na imbwelto.
Marurumduman na an reklamong obstruction of justice laban kina Padilla, Senator Alan Peter Cayetano, asin dating Senate Sergeant-at-Arms Mao Aplasca an isinunad kan Tindig Pilipinas katakod kan suboot sa pagtabang kay Senator Ronald ”Bato” dela Rosa na makadulag sa arrest warrant kan International Criminal Court.
