Nagkontra si House Committee on Justice Chairperson and Lead Prosecutor Rep. Gerville Luistro sa propwestong online voting sa impeachment trial ni Vice President Sara Duterte.
Nanindugan si Luistro na labi-labi kaimportante an proseso kaya dapat personal na maheling kan senador-huwes an pagbista asin dapat man na magboto nin personal.
An simbag ni Luistro iyo an suhestiyon ni Senator Rodante Marcoleta na tugutan si Senator Ronald “Bato” dela Rosa na magpartisipar asin magboto sa impeachment proceedings online o via Zoom.
Sinabi ni Luistro na iginagalang niya si Marcoleta asin Dela Rosa alagad dapat na konsideraron an importansya kan proseso kan impeachment.
Tinawang-duon ni Luistro na importante para sa senador-huwes na personal na mahiling an lambang testigo, siring man an lambang papel asin video na ipinapahiling sa pagsuporta sa Articles of Impeachment.
