NAGA CITY- Isasagibo an pagbubukas kan Dialysis Center sa siyudad nin Naga sa December 12, 2024.
Sa nagin paghampang sa mga kagawad kan media ni Naga City Mayor Nelson Legacion, sinaysay kaini na an nasambitan ng opening an isasabay sa 1st Anniversary kan pagbukas man kan Naga City General Hospital.
Sigun sa alkalde, pigsisibutan na mag-abot na an 12 dialysis machine na pig-order orog na ta pigbisita soboot an siyudad kan mga opisyales na gikan sa Regional Office kan DOH.
An nasambitan ng mga opisyales an interesado na magin operational na tolos an Dialysis Center sa siyudad nin Naga huli ta igwang mga Dialysis Center an naapektaran o naraot an mga gamit huli sa Bagyong Kristine.
Dugang pa kan opisyal, an serbisyo kan Dialysis Center an libredo sa paagi kan Philhealth asin MAEC tanganing mayo ng bayadan an mga pasyente alagad nagtitinir na igwa pa man giraray income na malaog na paborable para sa Naga City General Hospital.
Sa ngunyan, kasabay kan isasagibong pagbubukas iimbitaran soboot kan alkalde an Regional Director kan DOH asin iba pang bisita.
