Sinalakay kan mga otoridad an opisina ni South Korean President Yoon Suk Yeol ngunyan na aldaw.Ini an sa tahaw kan imbestigasyon sa saiyang deklarasyon kan martial law.
Isinagibo kan Special Investigation Team an raid sa presidential office, National Police Agency, Seoul Metropolitan Police Agency asin National Assebly Security Service.
Basado sa resport, mayo si Pres. Yoon sa saiyang presidential compound kan ikasar an nasambitan ng raid. An saiyang official residence an nasa suhay na lokasyon.
Dae man ini nagpapahiling pa sa publiko puon kan naghagad ini nin tawad kan nakalihis na Sabado sa pagdeklarar kan Martial Law.
Sa ngunyan, pinagbabawalan si Pres. Yoon na makaluwas nin SoKor komo parte kan insurrection probe sa saiyang inner circle makalihis an tulos na pagbawi o suspensiyon kan martial law kan nakalihis na Disyembre 3.
Enot na man pig-aretar si dating defense minister Kim Yong-hyun kan nakalihis na Martes huli sa pagpapautob nin martial law.
Naireport man na pigporbaran soboot ni Kim na magpagadan sa detention centre makalihis ining arestaron gamit an saiyang underwear.
Naenot na man sinabi kan dating defense minister sa paagi kan saiyang mga abogado, saiyang pig-ako an bilog na responsibilidad asin sinaysay na pigsusunod sana kan saiyang subordinates an saiya man na mgasugo asin pigsusunod sana an saiyang mga tungkulin.
