Maabot sa 337,476 na manggagawa sa pribadong sektor sa Central Visayas an makikinabang sa P42 na dugang sa minimum wage matapos aprobahan kan National Wages and Productivity Commission (NWPC) an wage order para sa rehiyon.
Segun sa Department of Labor and Employment (DOLE), magigin epektibo an bagong wage rates sa Oktubre 14.
Sa irarom kan bagong wage order, magigin P582 kada aldaw an minimum wage sa mga lugar na kabilang sa Class A, mantang P542 kada aldaw man sa Class B areas.
Sakop kan wage increase an mga manggagawa sa pribadong sektor sa Cebu, Bohol, Negros Oriental, asin Siquijor.
Inaprobahan kan NWPC an wage order sa deliberasyon kaini sa DOLE Regional Office VII sa Cebu kan Setyembre 26 kun sain limang commissioner an nag-atender asin nagkasararo sa deliberasyon mantang duwa an absent.
Bago kaini, isinumite kan Regional Tripartite Wages and Productivity Board (RTWPB) VII sa NWPC an wage order para sa pagsusuri asin pag-apruba.
Isinagibo kan RTWPB VII an proseso kan pagdeterminar kan bagong minimum wage sa paagi kan konsultasyon asin public hearings kaiba an mga representante kan mga manggagawa, management, asin iba pang stakeholder sa Central Visayas.
Kasunod kan pag-apruba kan NWPC, isusunod na kan Regional Board an publikasyon kan wage order segun sa mga itinakdang panuntunan bago ini ipautob sa Oktubre 14.
