Magpuon ngunyan na bulan nin Hulyo, madudugangan na nin P50 an sahod kan nasa 1.2 milyong minimum wage earners sa National Capital Region (NCR).
Sigun ki Department of Labor and Employment (DOLE) Secretary Bienvenido E. Laguesma, an nasambitan ng umento sa sahod an inaprubaran unanimously kan NCR Regional Tripartite Wages and Productivity Board (RTWPB), sa paagi kan Wage Order 26.
Aniya pa, ini na an pinakahalangkaw na dagdag sa sahod na inaprubaran kan wage board sa Metro Manila.
Huli digde, an daily minimum wage rate sa NCR na P645 sana sa presente an magigin P695 na para sa non-agriculture sector.
Gikan man sa presenteng P608 an magigin P658 na an sahod para sa agriculture sector, service asin retail establishments na may empleyado na 15 pababa sana, asin magin sa manufacturing establishments na regular na nag-eempleyo kan mayo pang 10 empleyado.
Susog sa DOLE, an wage increase an tulos na magigin epektibo sa Hulyo 18, 2025, makalihis an petsa kan anibersaryo kan huring minimum wage increase sa NCR na nagin epektibo kan nakalihis na Hulyo 17, 2024.
