Pig-anunsyar kan Department of Labor and Employment (DOLE) na inaprubaran kan Regional Tripartite Wages and Productivity Board – National Capital Region (RTWPB-NCR) an P50 dugang sweldo para sa mga obrero sa Metro Manila.
Sa bisa kan bagong wage order, malangkaw an aldawang minimum na sweldo sa NCR gikan P645 pasiring P695 para sa mga obrero sa non-agriculture sector.
Mantang an mga nasa agriculture sector an makakaresiber na nin P658 kada aldaw gikan sa dating P608.
Ipapautob an bagong wage increase puon Hulyo 18, 2025.
Basado sa DOLE, ini na an pinakahalangkaw na dugang sweldo na ipinagkaloob kan NCR wage board sa historya. Obheto kan lakdang na ini na masimbagan an padagos na paglangkaw kan presyon kan barakalon asin mapamarhay an kabuhayan kan mga obrero sa rehiyon.
Sinasabing mas dakula an karaniwang piglalangkaw sa Metro Manila kumparar sa mga probinsya nin huli ta mas halangkaw man an cost of living sa nasambitan ng lugar.
