Naelihir si dating eight-division world champion Manny Pacquiao komo Bise Presidente kan International Boxing Association (IBA).
Makakaibahan kaini sa nasambitan ng asosasyon si President Umar Kremlev tanganing maggibo nin athlete-first program.
Enot nabisto an grupo komo Amateur Internationl Boxing Association asin nagmamanehar kan sports sa Olympics.
Mientrastanto, nakapirang utro na man sindang pinatanidan kan International Olympic Committee huli sa problema sa pagmanehar kan pondo asin pagmanehar na igwang kinaaraman sa AIBA antes an Tokyo Olympics kan 2021.
Huli digde napili kan IOC an World Boxing na mangenot para sa 2028 Los Angeles Olympics.
Nagtutubod si Pacquiao na igwang magayong epekto an IBA sa mga boksingero kun saen kada nasyon makakabali o makakaatendir.
Mawot kaining siertohon na mayong anumang boksingero an mawawalat asin malilingawan.
