NAGA CITY– Idinalagan sa ospital an sarong padre de pamilya makalihis magsapo nin lugad sa pananagang kan mismong tugang kaini sa Brgy Burabod, Lagonoy, Camarines Sur.
Binisto an biktima na si Bobby Real, 47 anyos.
Sa entrevista kan Bombo Radyo Naga ki PCI Christopher Aduviso, hepe kan Lagonoy-PNP,sinaysay kaini na nag-iinuman sana sinda Real asin an suspek na si Angelo Real, 45 anyos kan bigla ining magkaigwa nin dai pagkakaintindihan na napuli sa pananaga kan suspek sa biktima.
Huli digdi, nagsapo nin lugad sa manlaenlaeng parte kan saiyang lawas an biktima.
Sa inisyal na imbestigasyon kan mga otoridad napag araman na dati nang may dai pagkakaintindihan an magtugang na saro sa mga hinihiling na rason sa nasambitan ng insidente.
Makalihis an krimen, tulos man na nagsuko sa mga otoridad an suspek mantang nagsayuma na man suboot magsunad pa nin kaso an biktima kontra digdi.
