Hinagad ni Senate President Win Gatchalian sa Senado an maagap na pagsasabatas kan panukalang Granting Increase in Take-home Pay for All Working Filipinos Act o GINHAWA Act, tanganing mabawasan an pasanon kan mga ordinaryong minimum wage earner sa pagbabayad nin buwis.
Sa saiyang pahayag, sinabi ni Gatchalian, na sponsor asin awtor kan propuesto, na ogheto kan GINHAWA Act na magtao nin tax relief sa mga minimum wage bilang tugon sa padagos na pagtaas kan inflation na epekto kan pagmahal kan mga primerong barakalon asin produktong petrolyo.
Naglalaom si Gatchalian na mapapadali an pag-apruba kan Senado sa panukala matapos pagtibayon kan Mababang Kapulungan kasuarin sana an kaparehong panukala. Sinabi ni Gatchalian na importante an pagsasabatas kan panukala sa panahon na hababa an 2.3% na paglago kan ekonomiya kan nasyon sa ikaduwang quarter, na an sarong dahilan iyo an dakulang pagbaba kan household consumption.
Tinawan-doon kaini na madadagdagan kan panukalang ini an disposable income kan mga minimum wage, na lalo pang nabawasan huli sa halangkaw na inflation.
An Senate Bill No. 56, na iniakda ni Gatchalian, obhetong taasan an take-home pay kan mga ordinaryong obrerong Pilipino sa paagi kan pagtaas kan limitasyon para sa libre sa buwis o income tax exemption threshold sa P400,000 na taunang kita, gikan sa P250,000.
Itataas man an limitasyon kan mga bonus na libre sa buwis sa P150,000, gikan sa P90,000. An panukala kabali kan priority agenda kan Legislative-Executive Development Advisory Council o LEDAC. Mientrastanto, sa bersyon kan Mababang Kapulungan, ipinapanukala man na itaas an limitasyon kan kita na libre sa buwis an P350,000.
