Pigkondenar ni House Deputy Majority Leader asin Iloilo 1st District Rep. Janette Garin an pagsurog ni Vice President Sara Duterte ki Pastor Apollo Quiboloy na nahahampang sa kasong child abuse, sexual abuse, asin qualified human trafficking.
Pahayag ini ni Garin kasunod kan pagtuligsa ni VP Sara Duterte sa mga pulis na mawot mag-arestrar sa wanted na si Quiboloy sa Kingdom of Jesus Christ (KOJC) compound sa Davao City.
Nakakahandal para ki Garin na imbes surugon ni VP Sara an mga bitkima asin ibusol na maipautob an hustisya, mas pinipili ni VP Sara Duterte na surugon si Quiboloy.
Duon ni Garin na an mga kasong kinakahampang ni Quiboloy an seryoso asin suportado nin ebidensya kaya nagluwas nin warrant of arrest an korte. Apwera sa Pilipinas si Quiboloy an pig-kasuhan man sa Estados Unidos.
Katakod kaini, nangangapodan si Garin sa kada saro, orog na sa mga leader kan nasyon na igiit an pangangaipohan na mapanimbag an igwa nin sala asin matawan nin hustisya an mga biktima.
