NAGA CITY – Garo nagin reunion kan pamilya De Lima an pagpuli ni Sen. Leila sa saindang harong sa Barangay San Agustin, Iriga City, Camarines Sur.
Sa paghampang sa mga kagawad kan media ni Vicente De Lima II, tugang kan senadora, sinaysay kaini na “glorious day” para sa sainda an pagkakataon na makaibanan an opisyal.
Sa labi 900 aldaw, nakapuli giraray sa syudad an saindang tugang para makaibanan an saindang may helang na ina.
Sa enot na pagkakataon, nagkairibanan soboot giraray sindang apat na magturugang.
Mientrastanto, labi man an pasasalamat kan pamilya De Lima sa Muntinlupa Regional Trial Court sa pag-grant kan mosyon kan opisyal para makaibanan an 86-anyos na ina.
Alas-7:40 nin aga kan mag-abot sa harong sa Iriga an opisyal kaibanan an saiyang mga tugang mantang alagad alas 3:33 nin hapon naman kan maghale na ini.
