Gagamiton an Artificial intelligence (AI) kan PAGASA para sa saindang weather forecast.
Sa pagdangog kan Senado para sa propuestong 2025 na badyet kan Department of Science and Technology (DOST) asin kan mga nakalakip na ahensya kaini, sinabi ni DOST Secretary Renato Solidum na gagamiton ninda an AI sa paagi nin sarong programa sa pagsiyasat na may katuyuhan na mapakarhay an pagtao nin impormasyon sa publiko manungod sa oras.
Sa AI an forecast kan panahon pwedeng itao kada 15 minutos imbes na kada tulong oras. Pwede nang magtao an PAGASA nin forecast na maabot sa 14 aldaw imbes na limang aldaw sana.
Mientrastanto, nagpahayag nin pagkadisganar si Senador Migz Zubiri sa PAGASA huli sa dae pagtao kan ahensya nin early warning bago magtama an bagyong Enteng huli ta dakul na tawo an dae nagpreparar asin nagwalat nin casualty an kalamidad.
