Sa botong 284 pabor, 8 an nagtutol, asin apat na abstention, ganap na pinagtibay an rekomendasyon kan House Committee on Justice tanganing dagusang idismiss an 2 impeachment complaint na pigsunad kontra ki Presidente Ferdinand Marcos Jr., huli soboot sa kawaran nin kabuluhan o laog.
Napagtibay sa plenaryo an Committee Report (CR) No. 111 na isinumiter kan Justice panel katakod kan House Resolution (HR) No. 746 o an “Resolution Dismissing the Complaints for Impeachment” na pigsunad ninda Atty. Andre de Jesus asin Liza Maza, Teodoro A. Casiño, Renato Reyes Jr., Atty. Neril Colmenares, et al kontra ki PBBM.
Inisponsoran man sa plenaryo an CR No.111 asin HR No. 746 ni Justice Panel Chairperson Gerville Luistro na pighurot na an desisyon an nakaangkla sa constitutional standards, rulings kan Korte Suprema asin kan panundonan kan Kamara sa impeachment.
Pigtawan-duon ni Luistro na an desisyon kan mayorya kan mga lehislador an nagsasairarom sa makatotoohang pagtalima kan Justice panel sa istriktong panundonan kan 1987 Constitution.
Sigun ki Luistro, tungkulin kan lehislador na timbangon an katotoohan o sadyang mapangraot sanang rason an mga Kongresista an boses kan lambang Pilipino sa plenaryo kun saen alagad ‘sufficient in form’ asin ‘sufficient in substance’ an nasambitan ng reklamo.
An hinala soboot kan publiko an dae bastante na pruweba sa reklamo kontra ki PBBM.
Kaibahan sa mga nadismis na impeachment complaint iyo an pigsunad ni Atty. Andre de jesus na inendorso ni Pusong Pinoy Rep. Jernie Nisay asin an pigsunad kan progresibong grupo sa pangengenot ni Liza Maza kan Makabayan Coalition na inendorso kan Makabayan bloc.
