Inapod ni House Spokesperson asin Zia Alonto Adiong na sarong “distraction” o panggulo sana sa impeachment trial ni VP Sara Duterte an planong pagpadagos kan pagdungog kan Senate Blue Ribbon Committee sa luwas kan Senado.
Segun ki Adiong, an lakdang kan nagkapirang senador na kakampi kan dating pamayo kan Senado iyo an sarong “PR stunt” tanganing ilihis an atensyon kan publiko hale sa paglilitis na iyo panginot na obligasyon kan Senado sa irarom kan Konstitusyon.
Piglinaw man ni Adiong na personal niya ining pananaw asin bakong opisyal na pahayag kan bilog na House prosecution panel.Mientrastanto, tinawan doon nina impeachment prosecutors Ysabel Maria Zamora asin Gerville Luistro na binibisto kan Kamara an pamumuno ni Acting Senate President na si Sherwin Gatchalian.
Segun sa mga lehislador maski may libertad an mga senador na magpahayag kan saindang opinyon, an ano man na lehitimong pagdangog kaipuhan na may pagtugot kan bagong pamunuan kan Senado.
Nakatakdang magdaos an Senate impeachment court nin pre-trial conference sa Hunyo 18, mantang pormal na mapoon an paglilitis laban sa Bise Presidente sa maabot na Hulyo 6, 2026.
