NAGA CITY – Labi an pasasalamat kan pamilya ni Senator Leila De Lima makalihis makapasar sa Bar Examination an aki kaining si Vincent Joshua De Lima Bohol.
Sa entrevista kan Bombo Radyo Naga sa pinsan ni De Lima na si Kagawad Elma Gaspi kan Iriga City, sinaysay kaini na maogma sindang mahiling na naabot ni Vincent an saiyang pangaturugan sa ibong kan labing kadipisilan na pinag-agihan kan saindang pamilya.
Sigon ki Gaspi, Communication Course an enot na kinuang kurso ni Vincent huli ta pangarap man kan lola kaini na magin sarong journalist an makuapo.
Alagad huli sa propesyon kan saiyang mga magurang kung kaya nagka-interest naman ini sa pagigin abogado.
Sa ngunian, sigon ki Gaspi, dawa nagkapirang taon nang nasa laog nin kulungan an senador, magayon pa man giraray an relasyon kan saindang pamilya mantang sunod-sunod an mga biyayang pigtatao kan Diyos.
