Piglinaw ni Solicitor General Darlene Berberabe na an paglaog liwat kan Office of the Solicitor General (OSG) sa kaso ni dating Presidente Rodrigo Duterte an dae dapat ikonsiderar komo panibagong lakdang kan Pilipinas tanganing magbweltada sa International Criminal Court (ICC).
Hurot ni SolGen Berberabe, pigu-utob sana kan OSG an mandato kaini na magsirbing representante o abogado kan executive branch.
Paglilinaw pa kan batikang abogado, an pagtugot kan Supreme Court na irepresentar liwat kan OSG an gobyerno dapit sa kaso kan dating Presidente, an saro sanang normal na procedure, orog na asin bako soboot normal na gawi an naenot na pag-rescue ni dating SolGen. Menardo Guevarra sa nasambitan ng kaso.
Sa presente, kaipuhan soboot nin masinsinang pag-urulay sa tahaw kan OSG asin an mga inihabla na sinda dating Justice Secretary Jesus Crispin Remulla, dating Executive Secretary Lucas Bersamin, asin iba pang haralangkaw na opisyal asin hararani ki PBBM.
Nanindugan si Berberabe na an pagtindog liwat kan OSG sa nasambitan ng kaso, an dae boot sabihong nagribay o nagbago nin posisyon an gobyerno dapit sa ICC jusrisdiction ontra sa dating Presidente, kasunod kan naenot na recusal kan saiyang niribayan na SolGen.
Bako soboot ini an enot na pagkakataon na mangyari an kaparehas na sitwasyon, asin nakapreparar an an OSG na ipaliwanag ini sa korte.
Marurumdumang rinibayan ni Berberabe si Guevarra, pirang semana makalihis an kontrobersiayl na pag-rescue kan dating SolGen.
