Pighahandalan kan sarong financial analyst an preseneteng sitwasyon sa pagluya kan ekonomiya makalihis na buminagsak an GDP sa 2.3% kan ikaduwang quarter, kasabay kan pagluya kan peso sa P62 kada dolyar.
Sa intrevista kan Bombo Radyo Naga ki Rogel P. Morales, Financial Analyst, sinaysay kaini na posibleng makaapektar sa pagmukna nin trabaho, negosyo asin pagkolekta nin buwis kan gobyerno an maluyang investment asin konsumo.
Dugang pa kaini, posibleng maglangkaw an presyo kan mga barakalon huli ta mas mahal an imported oil, diesel asin iba pang produkto kun maluya an piso.
An direktang pamumuhunan sa ibang nasyon pwede man na maghinay an ibang mga namumuhunan mas gusto an ibang nasyon, na pwedeng makaapektar sa pagpahiwas kan negosyo asin pagmukna nin trabaho.
Mientrastanto, nangapudan si Morales sa publiko na magin maingat sa paggastos, prayoridad an mga pangangaipo asin manteniron an saindang long-term financial plans sa tahaw kan mga angat sa ekonomiya.
