Pagluya kan Stock Market, laoman ngonian na Semana

Laoman na mapadagos sa paghiro an local stock market ngonian na semana, sa tahaw kan mga kahaditan sa inflation.

An Philippine Stock Exchange index (PSEi) nakabawi asin nagsara kan biyernes sa 5,825.97.

Alagad, nag-ubos ini nin 0.51 porsyento week-on-week.

Segun ki Wendy Estacio-Cruz, hepe kan research sa Unicapital Securities, napundo kan merkado an limang sunod-sunod na aldaw nin pag-ubos kan biyernes, matapos magtaas an merkado dahil sa bargain hunting o pagbakal kan mga investor nin mga stock na mas barato an presyo.

Segun digdi, nakabawi man an piso, alagad an padagos na mga pagkabalisa sa ekonomiya asin Geopolitical concerns nagin kawsa tanganing magin maingat pa an mga investor.