Pigpundo na kan Philippine Atmospheric, Geophysical and Astronomical Services Administration (PAGASA) an pagpapakawara nin tubig sa Magat Dam sa Luzon puon pa kan nakalihis na Biyernes.
Naabot na kaya kan PAGASA Hydrometeorology Division an bastante na lebel kan tubig sa dam sa 191.38 meters na boot sabihon nasa 1.62 meters an naibawas gikan sa normal water level kaini na 193 meters.
Sa ngunyan, mayo nang peligrong nahihiling an PAGASA na pwede pang maglangkaw an tubig asin malampasan an normal level kaini.
Kasunod kaini, nang-anunsyo man an ahensiya na makaka-eksperyensiya nin maluya hasta katamtamang pag-uran sa mga parte kan Palawan asin Visayas dara pa man kan Shearline.
