NAGA CITY – Piglalaoman na magpupuon na an panahon kan tag-uran sa nasyon sa kan presenteng bulan o sa primerong parte kan Hunyo.
Sigun ki weather specialist Loriedin dela Cruz-Galicia mas magiging madalas na an mga pag-uran sa mga masunod na aldaw kasabay kan pag-transition kan nasyon sa wet season.
Basado soboot sa saindang analysis, posible na sa mga maabot na aldaw, mas magigin madalas na an passing rain showers o mga pag-kilat, pagdaguldol pag-abot nin hapon o banggi sa mga masunod na aldaw.
Mientrastanto, basado pa sa analysis kan ahensiya, igwa nin 65% hasta 70% na tiyansa na magkaigwa o magpuon an maluya o weak La Niña sa June, July, asin August hasta September asin October mantang piglalaoman man na makusog ini sa huring sa kwarter kan 2024.
