Temporaryong dae ipigsapubliko kan Professional Regulation Commission (PRC) an pagkakabisto kan pinakahalangkaw na Top 1 sa dai pa sana nahahaloy na natapos na March 2026 Physicians Licensure Examination.
Sa ipinaluwas na abiso kan komisyon, an lakdang na i-withhold an pangaran kan top finisher sa nasabing eksaminasyon iyo an pagtugot sa mahiwas na proseso nin dugang na beripikasyon.
Apwera kan Top 1, kinumpirmar man kan PRC na hold o temporaryong pig-hold an opisyal na resulta kan limang iba pang mga examinees. Segun sa ahensya, an resulta kan limang indibidwal an magdadanay na pig-iiwal mantang pighahalat an pinal na determinasyon dapit sa saindang mga obligasyon sa irarom kan eksistidong reglamentos asin regulasyon na nagkokontrol kan licensure examinations.
Mientrastanto, sa ibong kan isyu na pig-withhel na resulta, an mayoriya matrayumpong nakapasar sa nasabing eksaminasyon para sa mga doktor. An kabilogan na nakapasar sa eksaminasyon naitala sa 70.26%.
Base sa opisyal na rekord, uminabot sa 1,954 na indibidwal an nakapasar sa total na 2,781 na nagkua kan eksaminasyon ngonian na bulan nin Marso 2026. Padagos an paghalat sa masunod na lakdang kan ahensya kun nuarin maipaluwas sa publiko an kumpletong pagkakabisto kan mga pangaran na nakapasar.
