Nangapudan si Ukrainian President Volodymyr Zelensky kan nakalihis na Huwebes nin sarong hampangan na meeting ki Russian President Vladimir Putin tangani wakasan an digmaan, makalihis makipag ulay si Putin ki Donald Trump’s special envoy Steve Witkoff sa Moscow.
Inapod ni Trump na “highly productive” an nasabitan ng pag-uulay, alagad sinabi kan Estados Unidos na ipagpapadagos kaini an mga padusa sa mga kaalyado sa kalakalan kan Russia.
Sigun ki Zelensky, nakaulay kaini si Trump sa telepono kaiba an mga lider kan Europa, asin man sinabi kaining pwede nang mangyari an meeting ninda ni Putin “very soon.”
Sigun ki Zelensky, sa Ukraine, haloy na nindang sinasabi na an tunay na solusyon an makakamtan sa antas kan mga lider. Kaipuhan nang aramon an tamang oras asin man mga isyung dapat na pag ulayan.
Makikipag koordinar man ini kina German Chancellor Friedrich Merz asin man iba pang European officials, asin mapadagos an komunikasyon sa antas kan national security advisors.
An pinaka importante iyo an Russia, na iyong nagpuon kan gyera, sinda an nagkakanigong maggibo nin tunay na lakdang tangani wakasan an agresyon kaini
