Labi an pagkamundo kan pamilya ni dating Manila councilor asin host na si Kim Atienza sa biglaang pagkagadan kan saindang aki na si Emman Atienza, content creator, na bistado sa saiyang pagigin bukas dapit sa isyu kan mental health.
Sa sarong Instagram post, pigkumpirmar kan pamilya an mamundong bareta asin pigrumdom si Emman komo sarong tawo na naghatod nin kaogmahan, ngirit asin pagpadaba sa saindang buhay asin sa mga tawong nakakabisto sa saiya.
Nangapudan man an pamilya Atienza sa publiko na ipagpadagos an saiyang pamana sa paaagi kan pagpapakuriyat kan malasakit, tapang, asin kamarhayan sa uru-uldaw na buhay.
Advertisement
