NAGA CITY- Pigpahayag kan Commission on Elections (Comelec) na mapakol sa 200 party-list groups an nag-apply na magparehistro para sa nararaning 2025 midterm elections.
Sigun ki Comelec Chairman George Erwin Garcia, enkaso nailathala na asin mayong petisyon na naisunad tanganing ulangan an aplikasyon, kwalipikado na an party-list group na magbali sa 2025 elections.
Sulamenteng mga organisadong grupo sana na nakarehistro sa Comelec asin nagsunad nin Manifestation of Intent to Participate an posibleng magbali sa party-list elections sa masunod na taon.
Mientrastanto, pigsaysay man kan Comelec kun igwang dae uyon sa mga grupong nagmamawot na magdalagan sa 2025 elections, posibleng magsunad nin petisyon sa Komisyon sa laog kan sampulong aldaw puon petsa kan pagkakalathala.
Basado soboot sa huring numero, igwang 145 na aplikante an naaprubahan komo party-list groups na mabali sa eleksyon sa May 2025.
