Nagsunad si Agusan del Norte Rep. Dale Corvera nin House Bill 4018 na obhetong siertuhon an patas na pondo para sa lambang rehiyon mantang pinag-uulayan kan Kongreso an ₱6.793-trilyong National Expenditure Program (NEP) para sa taong 2026.
Nakabugtak sa propwesto na dapat dae mababa sa 50% kan pambansang budget an gikan sa mga programang inendorso kan Regional Development Councils (RDCs), na iyong nagkokonektar kan lokal na inisyatiba sa pambansang plano.
Binanggit ni Corvera na kadalasan an mayo pang 30% kan mga proyekto kan RDC an napapabali man sa NEP, asin ngunyan na 2026 budget, sulamenteng 15.4% o ₱1.042 trilyon sana an pigtagama para sa Mindanao dawa na igwa nin anom ining rehiyon kaiba man an lado kan BARMM.
Obheto kan HB 4018 na gibuhong basehan sa alokasyon an mga socio-economic indicator siring kan paglago kan populasyon, katiosan, asin pagkriar nin mga trabaho.
Hurot pa ni Corvera, mas magigin tugma ini sa pangangaipuhan kan mga kahimanwa asin man makapagpapahigot kan inklusibong kauswagan sa mga rehiyon.
