Ipinaabot ni Presidente Ferdinand Marcos Jr. an labi na pasasalamat sa gobyerno kan United Arab Emirates (UAE) para sa padagos na suporta asin pangangataman sa kapakanan kan mga overseas Filipino workers sa nasambitan ng nasyon asin sa pagkonsiderar sa Pilipinas komo kaagapay sa mga programang igwang kapwa benepisyo.
Malugod na inako ni Presidente Marcos si Abdulla Nasser Mohamad Lootah, an eputy Minister of Cabinet Affairs for Competitiveness and Experience Exchange kan United Arab Emirates, sa sarong courtesy call sa Palasyo kan Malacañang kan nakalihis na aldaw.
An nasambitan ng pagbisita an parte kan Philippines and UAE Government Experience Exchange Forum na ginanap puon Setyembre 16 hasta 18.
Ini an pig-organisar kan Department of Budget and Management, katuwang an UAE Ministry of Cabinet Affairs.
Obheto kan forum na pakusugon an kakayanan kan mga kawani kan gobyerno sa paagi kan pagheheras kan kaaraman, eksperyensiya, asin pinakamasuhay na mga praktis pasiring sa makabago asin epektibong gobyerno.
Mientrastanto, ipinahayag ni Deputy Minister Lootah an matibay na obheto an UAE na labi pang pahiguton an bilateral relations sa tahaw kan Pilipinas asin United Arab Emirates, asin pigtawan-duon an importansiya kan kooperasyon kan duwang nasyon.
