Piglalaomanna makikipagpulong si Pangulong Ferdinand Marcos Jr. kay Russian President Vladimir Putin sa ASEAN-Russia Summit na gigibuhon sa Kazan sa Hunyo 17–18, sigun yan ki Russian Foreign Affairs Minister Sergey Lavrov.
Sinabi ni Lavrov na piglalaoman na maatinder si Marcos komo parte kan pag-rumdom sa ika-50 Anibersaryo kan Diplomatic Relations sa pag-ultanan kan Pilipinas asin Russia, alagad warang pa opisyal na kompirmasyon hale sa Malacañang.
Kabali sa mga tutukaron sa summit an pagpapalawig kan kooperasyon sa kalakalan, investment, enerhiya, agrikultura, agham asin teknolohiya, edukasyon, turismo, asin iba pang sektor, kabali an obheto kan Russia na pakusugon pa an relasyon sa ASEAN asin kan Pilipinas sa organisasyon sa 2026.
Magigirumduman na duwang beses nang nakipaghilingan ki Putin an dating Pangulo na si Rodrigo Duterte sa panahon kan saiyang administrasyon, na sigun ki Lavrov nakatabang sa pagpapakusog kan ugnayan kan duwang nasyon.
