Mariing kinondena kan Person with Disability Affairs Office (PDAO) Naga an viral na pangungutya kan mga podcaster ki Josh Aquino, aki ni Kris Aquino na nasa autism spectrum, na sarong paglabag sa karapatan asin krimen.
Sa intrevista kan Bombo Radyo Naga, sinaysay ni Atty. Paul John Barrosa, an Department Head kan PDAO Naga, sinaysay kaini na lubos sindang nakikisaro sa pagkondena sa insidente. Tinawan-doon kaini na sala na gibuhong katatawanan sa sarong PWD.
An ginibong pangungutya kan mga podcaster sarong malinaw na paglabag sa Magna Carta for Disabled Persons, na nagtatao proteksyon sa mga indibidwal na may kapansanan.
Segun pa ki Atty. Barrosa, an mga person with disabilities bakong dapat gibuhon na katatawanan o punching line sa mga episode kan mga podcast o vlog, kundi mga tawo na kaipuhan respetuhon asin tawan nin dignidad.
