Pinasupog kan Philippine men’s national football team an Maldives 4-1 sa third round kan AFC Asian Cup 2027 Qualifiers.
Enot na nakapagkurit nin goal si Jefferson Tabinas na saiyang nai-goal sa laog sana kan 15 minuto sa kawat na pigkundusir sa New Clark City Athletics Stadium sa Capas, Tarlac.
Pagkatapos kan pirang minuto, nailaog ni Bjorn Kristensen tanganing makua kan Pilipinas an 2-0 na kalamangan sa pagtatapos kan first half.
Paglaog kan second half nailaog man ni Ali Fasir kan Maldives an goal sa laog nin 62 minuto tanganing makua an 2-1.
Sa mga nagsunod na minuto, nai-goal ni Randy Schneider sa laog kan 77 minuto tanganing makua an 3-1 asin sa ika-92 minuto, nailaog ni Sandro Reyes an huring goal asin maiselyo sa 4-1 an kawat.
Kapot kan Pilipinas an 1-0 na kalamangan sa Group A kun saen maunod na makakahampang ninda an Tajikistan, Timor-Leste sa double-round robin.
