NAGA CITY-Pigpabisto kan Department of Tourism sa mga local asin international tourists an mga sikat na Muslim-friendly destinations sa nasyon.
Ini sa paagi kan tolong aldaw na Salaam 2024: Travel and Trade Expo sa Quezon City.
Sigun sa ahensya, an showcase na ini kan Halal-certified asin Muslim-friendly na mga serbisyo nagpapahiling kan importansya na pigtatao kaini sa pagtutustos kan mga lokal asin dayuhang Muslim travelers.
Pigsaysay man ni Tourism Sec. Christina Frasco na an Quezon City sarong angkop na lugar para sa Salaam, komo saro sa mga Muslim-friendly local government units sa Metro Manila.
Kabali sa Salaam 2024 an labi 30 booth na nag-aalok nin mga discounted travel package, accommodation, asin lokal na delicacy asin crafts.
Pira sa mga produktong pigpahiling an sikat na Sultan Kudarat Robusta coffee asin an makukulay na bado kan Yakan kan Zamboanga.
