Suportado kan Philippine National Police (PNP) an posibilidad na pag-aalok kan gobierno nin pabuya para sa marekas na pagkakaarestar ki dating Ako Bicol Representative Zaldy Co.
Sigun ki PNP acting Chief PLt. General Jose Melencio Nartatez Jr., nakikipag-tabangan na ini sa Department of the Interior and Local Government (DILG) asin sa Office of the President para sa posibleng lakdang tanganing madakop an dating lehislador.
Sigun ki Nartatez, mayo pa sindang narereseber na pormal na rekomendasyon alagad preparado ini magsuporta sa anuman mapagdedesisyunang polisiya kan gobierno.
Dugang pa kan acting chief, mas nagdadakol an potential informants kun may reward orog na sa mga lugar kun saen limitado an presensya kan kapulisan.
Sigun pa sa saiya, igwa o mayong reward padagos an saindang intelligence build up asin operasyon para maarestar an nasambitan na akusado.
Pigsugo naman ni Nartatez an mga police units sa nasyon na higpitan an boarder asin checkpoint monitoring pati na man an pagpapaigting kan koordinasyon sa ibang ahensya asin komunidad.
