Piglalaoman kan Bangko Sentral ng Pilipinas (BSP) na mag-abot sa pag-ultanan kan 6.4 asin 7.4 porsyento an inflation rate kan nasyon para sa bulan nin Setyembre 2026.
Segun sa BSP, an piglalaoman na paglangkaw kan presyo kan mga produkto pangenot na kawsa kan epekto kan maraot na panahon sa presyo kan mga gulay, sira, bagas, asin prutas sa mga lokal na merkado.
Nakadugang man sa paglangkaw kan inflation rate an padagos na paglangkaw kan presyo kan produktong petrolyo asin an pagluya kan halaga kan piso kontra dolyar sa nakaaging mga semana.
Nagsirbing balanse man sa nasabing paglangkaw an dikit na pagbaba kan presyo kan karne asin an nairehistrong bawas sa singil sa kuryente sa parehong bulan.
Padagos man na nakatutok an BSP sa mga pagbabago sa pankinaban na merkado, partikular sa mga pangyayari sa Middle East asin mga kalamidad sa panahon, tanganing makapagtao nin angkop na aksyon para sa ekonomiya.
